"A. 8: Dicimus etiam: cum parentes teneantur alere filios et necessitati corporum subvenire, multo magis in spiritualibus que spectant ad animarum salutem ipsis subvenire tenentur, iuxta verbum Apostoli in prima epistola ad Timotheum dicentis: Si quis suorum et maxime domesticorum curam non habet, fidem negavit operibus, etsi non verbis, quia proximo non consentiunt, et infideli deterior est."